બજારભાવ Gujarat APMC Bajarbhav 31.08.24
vanraj
August 31, 2024
No Comments
- દિવેલા એ તેલીબીયા વર્ગ નો મહત્વ નો પાક છે.
- આ બ્લોગ માં આપણે દિવેલા ના પાક એટલે કે એરંડા નાં પાક ની વિશેષ માહિતી મેળવશું .
જમીન અને આબોહવા
- દિવેલા પાક માટે સારા નિતારવાળી, મધ્યમ કાળી, ગોરાડું અને રેતાળ જમીન શ્રેષ્ઠ છે.
- પાણી ભરાવટ વાળી કાળી અથવા ક્ષારીય જમીન મફિક આવતી નથી.
- દિવેલા પાકમાં પાણીની ખેંચ સામે પ્રતિકારશક્તિ હોય છે, તેથી તેને બિનપિયત સુકા વિસ્તારોમાં પણ ઉગાડી શકાય છે.
- વધુ ઠંડી અને હિમ તેને અસર કરે છે. વાવેતર માટે જમીન સારી રીતે ખેતી કરી સમતલ બનાવવી જોઈએ.
બીજની માવજત
- બીજને વાવતા પહેલાં 1 કિલો બીજ દીઠ 3 ગ્રામ થાયરમ અથવા 1 ગ્રામ કાર્બેન્ડાઝીમ થી સારવાર કરવી.
- હાઈબ્રિડ દિવેલા માટે પ્રમાણિત બિયારણ વાપરવું.
- સુકારાના રોગથી બચાવવા, 1 કિલો બીજ દીઠ 5 ગ્રામ ટ્રાયકોડર્મા વિરીડી 20 મિ.લિ. પાણીમાં ઓગાળી, બીજને સારવાર આપવી.
વાવણી નો સમય :
- જુલાઈથી ઓગષ્ટના મધ્ય ભાગ સુધીમાં વાવણી કરવી.
- ઓગષ્ટ માસમાં વાવણી કરવાથી પાકને ઘોડીયા ઈયળ તથા ડોડવા કોરી ખાનાર ઈયળોના ઉપદ્વથી થોડા ઘણાં અંશે બચાવીશકાયછે.
સુધારેલી જાતો :
ખાતર :
- દિવેલા લાંબા ગાળાનો પાક હોવાથી વધુ ઉત્પાદન અને જમીનની ફળદ્રુપતા જાળવવા માટે, હેકટર દીઠ 10 ટન છાણિયું ખાતર અથવા 1 ટન દિવેલીનો ખોળ આપવો.
- જો આ શક્ય ન હોય તો જૂનના પ્રથમ અઠવાડિયામાં ગુવાર કે શણનો લીલો પડવાશ કરવો.
- દિવેલાને 75-50-0 કિ.ગ્રા/હે. નાઈટ્રોજન, ફોસ્ફરસ અને પોટાશ આપવું. પાયામાં 50% નાઈટ્રોજન અને બધો ફોસ્ફરસ 7-8 સે.મી. ઊંડે આપવો, બાકી નાઈટ્રોજન 30 અને 70 દિવસ પછી પિયત વખતે.
- વધુ ઉત્પાદન માટે હેકટર દીઠ 120 કિ.ગ્રા. નાઈટ્રોજન, 40 કિ.ગ્રા. પાયામાં અને 40-40 કિ.ગ્રા. 40 અને 100 દિવસ પછી આપવો.
- જો જમીનમાં સલ્ફરની ઉણપ હોય, તો 125 કિલો જીપ્સમ (20 કિલો સલ્ફર) વાવણી સમયે આપવું.
આંતરપાક :
- દિવેલાની બે હાર વચ્ચે તલ, મગફળી, મગ, ચોળી, કે અડદ જેવા પાક ઉગાડી શકાય છે.
- પિયત દિવેલાને જોડીયા ચાસ પદ્ધતિથી વાવીએ, અને તેમાં મગનો આંતરપાક લઈએ, તો બંને પાકને ભલામણ મુજબ ખાતર આપવું.
આંતરખેડ અને નીંદામણ :
- દિવેલાના પાકમાં પ્રથમ 50 દિવસ સુધી નીંદામણ નહીં કરવાથી ઉત્પાદન 30% ઘટી શકે છે.આ સમયગાળામાં પાકને નીંદણમુક્ત રાખવું જરૂરી છે.
- બે થી ત્રણ આંતરખેડ અને એક થી બે વાર નીંદામણ કરવું. મજુરોની અછત હોય તો પેન્ડીમીથાલીન (1.5 લિટર/હેકટર) અથવા ફલુકલોરાલીન (0.9 કિ.ગ્રા./હે.) નો છંટકાવ વાવણી પછી તરત કરવો.
- 30 દિવસ બાદ આંતરખેડ અને હાથ વડે નીંદામણ કરવું.
દિવેલા માં આવતા રોગ :
દિવેલાનો સુકારો
- ઉનાળામાં ઉડી ખેડ કરવી.
- બીજને વાવતાં પહેલાં થાયરમ ૩ ગ્રામ/કિલો બીજ મુજબ પટ આપી વાવણી કરવી.
- છાણિયુ ખાતર અને શણનો લીલો પડવાશ કરવો.
- રોગિષ્ટ છોડને મૂળ સાથે ઉખેડી બાળી નાખવા.
- સુકારા રોગ માટે ગુજરાત હાઈબ્રીડ દિવેલા-૪ , ગુજરાત હાઈબ્રીડ દિવેલા-૫ અથવા ગુજરાત હાઈબ્રીડ દિવેલા-૭ જેવી રોગ પ્રતિકારક જાતોની વાવણી કરવી.
- પાકની ફેરબદલી કરવી.
મૂળનો કહોવારો
- પાકની ફેરબદલી કરવી.
- ઉનાળામાં ઉડી ખેડ કરવી.
- બીજનેવાવતાં પહેલાં થાયરમ ૩ ગ્રામ/કિલો બીજ મુજબ પટ આપવો.
- છાણિયુ ખાતર અને શણના લીલો પડવાશનો ઉપયોગ કરવો.
- રોગિષ્ટ છોડને મૂળ સાથે ઉખેડી બાળી નાખવા.
- મૂળના કહોવારા માટે ગુજરાત હાઈબ્રીડ દિવેલા-૨ અથવા ગુજરાત હાઈબ્રીડ દિવેલા- ૬ જેવીરોગ પ્રતિકારક જાતોની વાવણી માટે પસંદગી કરવી.
- દિવેલાના પાકને જરુરિયાત મુજબ પાણી આપીને પાણીની ખેંચ પડવા દેવી નહિ.
દિવેલા માં આવતી જીવાત :
ઘોડીયા ઈયળ
- ખેતરમાં પાંખાવાળા ડાળાં ઉભા કરવા કે જેથી કીટભક્ષી પક્ષીઓ તેના પર બેસી શકે અને જૈવિક નિયંત્રણનો લાભ મળી શકે.
- ક્રિવનાલફોસ રપ ઈસી ૨૦ મિ.લિ. દવા ૧૦ લિટર પાણીમાં ઓગાળી છંટકાવ કરવો.
- ઈયળ મોટી થઈ ગઈ હોય તો ઉપરોકત દવા સાથે ડીડીવીપી (૦.૦૫ %) પ મિ.લિ. નું મિશ્રણ કરવું.
તળતળિયા , થ્રીપ્સ
- ડાયમિથોએટ ૩૦ ઈસી ૧૫ મિ.લિ. પ્રતિ ૧૦ લિટર પાણીમાં ઓગાળી ૧૫ દિવસના અંતરે જરુરિયાત મુજબના છંટકાવ કરવો.
આવી જ અવનવી માહિતી માટે અમારા ફેસબુક પેજ ને નીચેના બટન પર ક્લિક કરી લાઈક કરો…
Related Blogs
બજારભાવ Gujarat APMC Bajarbhav 29.08.24
vanraj
August 29, 2024
No Comments
બજારભાવ Gujarat APMC Bajarbhav 20.08.24
vanraj
August 20, 2024
No Comments