ભીંડા ના પાક માં રોગ જીવાત

ઓળખ:

• ઈડા: આછા ભુરાં રંગના ગોળાકાર હોય છે. માદા છૂટા છવાયા ઈંડા ફૂલ કળી તેમજ કૂમળા ફળ પર મૂકે છે.

• ઈયળ : ઈયળ રાખોડી રંગની, કાળા માથા વાળી અને શરીરે કાળા અને બદામી રંગના ટપકાં ધરાવે છે આથી તેને કાબરી કે ટપકાંવાળી ઈયળ કહે છે.

• પુખ્ત: કદમાં નાનું આછા લીલા રંગનું હોય છે.

• નુકસાનકારક અવસ્થા: ઈયળ અવસ્થા

• નુકશાન : પાકની શરૂઆતની અવસ્થામાં ઉપદ્રવ જોવા મળે તો ઈયળ છોડની ડૂંખને કોરી ખાયને નુકશાન કરે છે. ઉપદ્રવિત ડૂંખ ચીમળાઈને સુકાય જાય છે. જયારે પાકની ઉત્પાદક અવસ્થાએ ઈયળો ફૂલ, કળી અને ફળને કોરે છે. જેથી ઉપદ્રવિત ફૂલ અને કળી ખરી પડે છે. જયારે ફળની વૃદ્ધિ અટકે છે. અને ફળ અનિયમિત આકારના ઓછી ગુણવત્તાવાળા થઈ જાય છે. આમ ઉત્પાદનમાં ઘટાડો જોવા મળે છે.

• અવલોકન પધ્ધતિ :
  1.નિયત કરેલ પ્લોટમાંથી અંગ્રેજી ‘ડબલ્યુ’ આકારે ચાલીને આખા પ્લોટમાંથી અસ્તવ્યસ્ત પધ્ધતિથી ર૦ છોડ પસંદ કરવા.
• 2.પસંદ કરેલ છોડનું બારીકાઈથી નિરીક્ષાણ કરી દરેક છોડ પર જોવા મળતી ડુંખો અને ફળોની સંખ્યા તેમજ નુકશાન પામેલ ડુંખો અને ઉપદ્રવિત શીંગોની સંખ્યાની ગણત્રી કરવી.

• નિયંત્રણ વ્યવસ્થાપન:

1.ઉનાળામાં ઉંડી ખેડ કરવાથી કોશેટા અવસ્થા નાશ પામે છે. 

2.ઉપદ્રવિત ડૂંખ તથા ફળોને વીણીને નાશ કરવો.

3.પ્રતિકારક જાતો ગુ. બી. ૧, સીલેકશન-ર, પંજાબ પદમીની, ભીંડા સીલેકશન-ર નું વાવેતર કરવું. 

4.ખેતરમાં સ્વચ્છતા જાળવવી, શેઢાપાળા નિંદામણમુકત રાખવા.

 5.ખેતરમાં ફેરોમેાન ટે્રપ પ્રતિ હેકટરે પ પ્રમાણે મુકવાથી ઉપદ્રવની શરૂઆત જાણી સમયસર નિયંત્રણ થઈ શકે છે.

6. લીમડા આધારીત દવાઓના ઉપયોગથી માદા ફળમાં ઈંડા મૂકતી અટકે છે.